Kryeministri i Kosovës, Hashim Thaçi, ka thënë se masakrat që janë bërë në Krushë të Vogël dhe në Suharekë dëshmojnë më së miri se forcat paramilitare dhe militare serbe kanë kryer gjenocid.
Ai ka thënë se bashkë më Shtetet e Bashkuara të Amerikës dhe Bashkimit Evropian do të bëjnë trysni më të madhe ndaj Beogradit për gjetjen dhe kthimin e 1700 mbetjeve mortore.
Sipas kryeministrit Thaçi, Parlamenti Evropian së shpejti do të miratojë një rezolutë ku do t’i kërkojë Serbisë hapjen e të gjitha vendeve ku dyshohet se janë trupat e shqiptarëve.
Ndryshe, në Krushë të Vogël janë varrosur 19 martirë të këtij fshati, ndërsa në Suharekë janë varrosur edhe 27 martirë, 24 nga ta të familjes Berisha, të familjes Bytyqi dhe Krasniqi.