Dy deputetë të Kuvendit të Kosovës, Emin Gerbeshi dhe Lumnije Morina i janë bashkuar sot Lëvizjes Vetëvendosje, gjegjësisht Grupit parlamentar të kësaj partie në Kuvendin e Kosovës. Aderimin e tyre në Vetëvendosje e prezantoi sot në një konferencë për media, lideri i kësaj partie Albin Kurti.
Lumnije Morina deri sot deputete e Partisë Demoktratike të Kosovës dhe Emin Gërbeshi i cili ka filluar mandatin si deputet i AKR-së dhe më vonë, si deputet i pavarur, kanë aderuar sot në Lëvizjen Vetëvendosje.
Lideri i kësaj lëvizje Albin Kurti theksoi se me këta dy deputetë kanë përafrime të përbashkëta në zhvillimin e shtetit të Kosovës.
Ndërsa, deputetja Lumnie Morina tha se arsyet për largimin e saj nga PDK-ja datojnë që nga viti 2012 në kohën e zgjedhjeve partiake, të cilat siç thotë Morina janë përcjellur nga një frymë e egër dhe e ashpër për dominim brenda partisë nga individë të caktuar,transmeton rtklive.
Ndërsa i pyetur rreth zgjedhjeve të përgjithshme, lideri i Vetëvendosjes, Ablin Kurti tha se sa më parë dhe sa më e shkurtër të jetë jeta e kësaj qeverisje, do të ishte më mirë për shtetin e Kosovës, duke theksuar se çështja e datës së zgjedhjeve është bërë si bastore.