Kryetari i Komunës së Malishevës, z.Ragip Begaj, ka pritur sot, në një takim njoftues zyrtaren për komunitete në UNMIK, znj.Lilia Galieva, me të cilën kanë biseduar për zhvillimet e përgjithshme dhe aktivitetet, që lidhen me komunitetet, problemet me të cilat ballafaqohet Malisheva.
Fillimisht kryetari Begaj, i falënderoi për vizitën dhe interesimin e tyre për Malishevën, si dhe i ka njoftuar me gjendjen e përgjithshme në Komunën e Malishevës, arritjet, problemet me të cilat përballet, ku sipas kryetarit Begaj, papunësia, është brenga kryesore, duke mos lënë anash as problemet tjera.
Ndërsa, zyrtarja për çështje të komuniteteve në UNMIK, znj. Lilia Galieva, e ka falënderuar kryetarin Begaj, për pritjen, duke u interesuar më pas, për zhvillimet e përgjithshme në Malishevë, si dhe për komunitetin RAE.