Libri “Kur Google takon WikiLeaks” nga Julian Assange, një rrëfim autobiografik i kokës kontraverse të WikiLeaks-it, pritet të botohet në shtator të këtij viti. Rrëfimi përqendrohet në vitin 2011, atëherë kur Assange po qëndronte në arrest shtëpiak në Norfolk, pasi nxorri në shesh dokumente sekrete të Departamentit të Shtetit , si dhe vizitave e bisedave me Eric Schmidt, një prej kryesorëve në Google, bashkë me Hillary Clinton e të tjera personazhe.
Botuesi e përshkruan librin si një dialog historik mes “polit të veriut e atij të jugut”.
“Janë bashkuar përmbajtjet intelektuale të disa dokumenteve që dikur ishin online, dhe kështu Assange ka dashur që duke përzier eksperiencën e tij me bashkëbisedimet që ka pasur me njerëzit që i kanë bërë vizitë në kohën kur ishte në arrest shtëpia, të sjellë një prapaskenë të pa censuruar të diçkaje që ka ndodhur e që ai, e shpejt edhe të tjerët do ta dinë e lexojnë” thotë botuesi i librit nga Shtëpia botuese OR.