Kryetari i Rahovecit, Idriz Vehapi, ka siguruar ndërmarrjet e kontraktuar nga ish-kryetari Smajl Latifi, se nuk do t’i mbes borxh asnjë cent. Ai tha se pavarësisht se shumë kontrata janë bërë gjatë fushatës zgjedhore pa planifikim, Komuna e Rahovecit, do të respektojë dhe realizojë ato kontrata.
“Nuk do të hapim asnjë tender të ri pa i përfunduar punët e kontraktuara nga qeveria e kaluar”, tha Vehapi në emisionin e mëngjesit në KTV.
Ai tha se ish-qeveria e kaluar e ka futur komunën në shumë borxha.
”Para se të fitoj mandatin e kam ditur përafërisht gjendjen e Komunës së Rahovecit, por nuk kam besuar se është e futur në shumë borxhe”, tha Vehapi.
Ai premtoi se brenda mandatit do t’i realizojë të gjitha premtimet që ka dhënë në fushatën zgjedhore. /PrizrenPress.com/