Edhe LDK-ja ka reaguar rreth kërcënimit që kryetari Ramadan Muja ia ka bërë asambleistit të BD-së, Osman Hajdarit.
“Lidhja Demokratike e Kosovës, përmes grupit të asambleistëve , sot ka bërë të qartë qëndrimin politik,që lidhet me vazhdimin e seancës se jashtëzakonshme për të debatua lidhur me situatën e re politike, që ka ardhur si rezultat që Ramada Muja është dënuar është shpallë fajtor me vendim të gjykatës”, thuhet në komunikat të LDK në Prizren.
“E gjithë seanca e sotme e Kuvendit Komunal ka qene skandaloze. Kryesuesi i KK i Prizrenit, në mënyrë shumë jo profesionale dhe me tendencë ndërhynte në çdo fjale të mbajtur nga asambleistat e opozitës. Kjo sjellje e kryesuesit të KK te Prizrenit, për ne përbën shkelje ligjore dhe pengim i fjalës së lire”.
“Skandali me i madhe ishte reagimi pa kurrfarë sensi i të dënuarit Muja ,edhe kërcënues ndaj shefit të BD-së në KK të Prizrenit. Ky reagim fakton edhe një herë se ky kryetar i Komunës sonë ka humbur në kohë dhe hapësirë dhe qytetaret e Prizrenit nuk meritojnë një kryetar të tillë”.
“Edhe një herë përsërisim kërkesën tonë që i dënuari Muja të jap dorëheqje , ne mënyrë që qeverisja lokale ne Prizren të i kthehet normalitetit”.