Aktori i njohur i humorit, Vedat Bajrami, ka kritikuar organizatorët e festivalit “Kënga ime” për ftesën speciale që i kanë bërë këngëtarit serb, Zdravko Çoliq.
“Nuk më ka pëlqyer ideja që e kanë ftuar këngëtarin Zdravko Çoliq. Është dashur të merret mësim nga vizita në Shqipëri e Goran Bregoviqit, ku pati shumë njerëz që ishin kundër asaj vizite, prandaj nuk është dashur të bëhet ky provokim përsëri”, theksoi ai.
“Nuk duhet t’u jepen mundësi këngëtarëve serbë të marrin pjesë në emisione të tilla, ka mjaft artistë që mund ta përfaqësojnë muzikën tonë, qoftë nga Kosova, Shqipëria, Maqedonia apo Mali i Zi”, ka thënë Vedati në emisionin “Prite të Gjelbrën” në Radio 21.