Gjykata Themelore në Prizren, ka caktuar një muaj paraburgim për të dyshuarin E.Koka nga Prizreni.
Afërdita Kicaj, zëdhënëse e Gjykatës në Prizren, tha se Koka dyshohet se ka kryer veprën penale për blerje,posedim, shpërndarje dhe shitje të paautorizuar të substancës narkotike.
“Departamenti për Krime të Rënda, me datën 17.04.2014, i cakton paraburgim E. Koka, nga Prizreni, me kërkesën e Prokurorit të Shtetit, për shkak të dyshimit të bazuar se ka kryer veprat penale blerja, posedimi, shpërndarja dhe shitja e paautorizuar e narkotikëve dhe substancave psikotropike dhe analoge nga neni 273 parag.2 të KP-së dhe mbajtja në pronësi, kontrollë ose posedim të paautorizuar të armëve nga neni 374 parag.1 të KP-së”.
“I pandehuri E.Koka në shtëpinë e tij dhe në punëtori e cila gjendet në Prizren pa autorizim posedon substancat narkotike të dyshuar marihuanë me qëllim të ofrimit për shitje të paketuara në 99 qese plastike të mbushura me substancë narkotike në peshë prej 601 gr. dhe të hollat në shumë prej 610 euro dhe 650 denar të Republikës së Maqedonisë, gjithashtu duke pasur parasysh se ka poseduar dy pistoleta të kalibrit 7.65 mm. së bashku me dy karikator”.
“Gjykata Themelore në Prizren cakton paraburgim në kohë zgjatje prej 1(një) muaji i cili do të llogaritet prej kohës së arrestimit me 16.04.2014 në ora 10:00 dhe do të zgjasë deri ma datën 16.05.2014.Një gjë të tillë e ka bëtë të ditur për medie zëdhënsja ë Gjykatës në Prizren”./PrizrenPress.com/