Krijimi i Gjykatës Speciale që do t`i trajtojë aktakuzat e mundshme nga hetimet për raportin e Dick Martyt, do t’i sjellë Republikës së Kosovës një përfitim krejt anësor, por të rëndësishëm. Shtetit do t`i hapet rruga e anëtarësimit në Këshillin e Evropës. Deri te ky anëtarësim do të çoj nevoja që ka dalë gjatë hartimit të planeve për të ndërtuar Gjykatën Speciale.
Ajo do të ketë dy shkalla, por shkalla përfundimtare e Gjykatës do të jetë pikërisht Gjykata Evropiane për të Drejtat e Njeriut. Meqë subjekt i kësaj të fundit mund të jenë vetëm qytetarët e shteteve anëtare të Këshillit të Evropës, shtetet mbështetëse të pavarësisë,po i shqyrtojnë të gjitha mundësitë që deri në vitin e ardhshëm, kur do të filloj së funksionari Gjykata Speciale, Kosova të jetë anëtare e Këshillit të Evropës.
Kushtin që Gjykata Speciale të jetë nën autoritetin e Gjykatës Evropiane për të Drejtat e njeriut e ka vendosur Holanda, shteti ku pritet që do të mbahen seancat më të ndjeshme të gjykimeve të mundshme nga aktakuzat që do të dalin. Gazeta Tribuna, ka arritur që nëpërmjet burimeve diplomatike ta sigurojë letrën që ministri i Jashtëm i Holandës Frans Timmermans, i ka shkruar Dhomës së Lartë të Parlamentit të këtij shteti…