Azzam Dida, ka konfirmuar dorëheqjen nga kryetar i Partisë së Drejtësisë në Prizren.
Dida, vendimin për dorëheqje thotë ta ketë marrë pasi që në zgjedhjet lokale të nëntorit të viti të kaluar nuk kishte treguar rezultat.
“Kjo dorëheqje është akt moral për mossuksesin e Degës në zgjedhjet lokale të Nëntorit 2013. Objektivi im ka qenë 3000 plus 1,dmth.3001 vota,e kjo nuk u realizua dhe nuk e shoh veten si udhëheqës i një Dege të PD-së e cila nuk i ka realizuar synimet e veta, për rritjen e numrit të votave atje ku vepron”, ka shkruar Dida në letrën e dorëheqjes së tij.
“Mbesë me shpresë se do të punohet edhe më shumë nga pasardhësi i im dhe rezultatet të jenë më të favorshme për PD-në dhe elektoratin”, ka shkruar Dida.
Ai në letrën e tij po ashtu u ka uruar rezultate të mira në zgjedhjet parlamentare, duke i përshëndetur vëllazërisht.
“Selame vëllazërore”, ka shkruar në fund të letrës së dorëheqjes Dida./express/