Deputeti Buzhala thotë se në vitin 1999, Çoliç merrte pjesë në ato koncerte ku promovohej dhuna në Kosovë.
Këngëtari serb, Zdravko Colic, i cili hapi debat të madh në Prishtinë e Tiranë për pjesëmarrjen e tij në një festival në Shqipëri, ishte pjesëmarrës i koncerteve në Beograd të sponzoruara nga regjimi i Millosheviçit.
Kështu vlerësoi Berat Buzhala, deputet i Partisë Demokratike të Kosovës, pjesëmarrës në debatin “Çoliç përplas Tiranën me Prishtinën” në emsionin “Opinion”, ku ishin të pranishëm artistë, politikanë e analistë.
“Më 99 u organizua në Beograd koncerti ‘Target’. Në atë koncert kanë marrë pjesë pothuajse e gjithë estrada serbe, edhe Colic. Ai ka qenë pjesëmarrës në koncerte që e kanë promovuar dhunën në Kosovë”, tha Buzhala.