Kompozitorja Donika Rudi ka vazhduar rrugëtimin me veprën e saj të quajtur “Voyage vers l’inconnu”, më 18 prill në koncertin akusmatik në Bari të Italisë, ndërsa të shtunën ajo performoi në mbrëmjen belge të organizuar nga Alcome në Francë, në festivalin “Saint-Leu la foret”.
Rudi me tjetrën vepër të saj, Emotion Machine, do të marrë pjesë në festivalin “Deep Wireless” në Toronto të Kanadasë, ku ndër tjerash luhen edhe veprat e kompozitorëve Aynsley Moorhouse, Werner Cee, James Andean dhe Brona Martin, raporton Kosovalive.
Dy veprat të cilat do të jenë pjesëmarrëse ne Toronto, Bari dhe Saint-Leu la forêt, janë ndihmuar nga Ministria e Kulturës në Belgjikë.
Sipas kompozitores Rudi, interpretimi (spacializimi) i veprës “Voyage vers l’inconnu” realizohet përmes më shumë se 40 autoparlantëve, kurse difuzimin (spacializimin) e tij, e realizoi Daniela Dirusi.
Donika Rudi, tash katër vite është anëtare e rregullt e Shoqatës së Kompozitorëve Belg të muzikës elektroakustike. Veprat e saj janë luajtur në Kolumbi, Spanjë , Porugali, Itali, Francë, Zvicërr, Belgjikë, Kosovë, Shqipëri dhe së fundmi në Kanada. Poashtu, veprat jane transmetuar në radiot me renome si : Radio Spanja, Radioja Nacionale e Holandes, France Musique etj.