Kryetari i Aleancës për Ardhmërinë e Kosovës, Ramush Haradinaj me bashkëpunëtorët e vet, ka qëndruar në Rahovec. Ai para simpatizantëve të AAK-së, ka shpalosur programin qeverisës.
“AAK gjithmonë ka pasur qasje serioze ndaj qytetarit për të mirën e vendit tonë”, ka thënë haradinaj transmeton RahovecPress.
“Ne jemi të gatshëm të qeverisim me vendin me duar të pastra, kurse e ardhmja e vendit është në qeverisjen kualitative”.
“AAK është e gatshme dhe kemi bërë të gjitha përgatitjet për ta udhëhequr vendin”.
“Gjendja e përgjithshme në Kosovë nuk është aspak e mirë. Ne parashohim rritjen e buxhetit për bujqësi.Jemi të pestit në botë me rezerva qymyri, ku në programin tonë është zhvillimi i energjetikës dhe i ekonomisë, i cili është duke stagnuar për shkak të politikave të gabuara të qeverisjes aktuale”
Ndërkaq, Smajl Latifi, kryetar i Degës së AAK në Rahovec, kërkoi mobilizimin e tërësishëm të të gjitha strukturave organizative brenda degës, aktivistëve dhe mbështetësve.
“Aleanca për Ardhmërinë e Kosovës që nga themelimi ka krijuar politikat në raport me qytetarin, politika e cila është krijuar nga Ramush Haradinaj, i cili është dëshmuar në luftë dhe në paqe, dhe është njeriu i cili duhej këtij vendi”.
.”Jemi të vetëdijshëm se Haradinaj sot ka nevojë për mbështetjen tuaj, për të qeverisur vendin, i cili edhe do të përmbush amanetin e atyre që kanë dhënë jetën për Kosovën”./PrizrenPress.com/