Dy rrëfime e kthejnë në kohën e Luftës së Dytë Botërore Ali Hysenin.
Forcat ushtarake të dy shteteve ia kishin marrë kontrollin një shteti të tretë.
Shqiptarët ishin ndërmjet dy zjarreve. Gjermanët dhe italianët e kishin ndarë me marrëveshje në dy pjesë territorin e Kosovës. Në fund, Kosova do të bëhej dhunshëm pjesë e Jugosllavisë, shkruan Koha Ditore.
Familja Hyseni nga Gllamniku i Podujevës, dy djemtë e mëdhenj i kishte rreshtuar në krahun e gjermanëve.
Njëri ishte nënkryetar i qytezës verilindore, tjetri pjesëtar i forcave të rendit nën komandën e gjermanëve, që për njërin kamp konsideroheshin çlirimtarë, për të partizanët ishin pushtues.