Emri i tij i vërtetë është Adonis Dollapi. Këngëtari i cili njihet edhe për bashkëpunimin me grupin “OMERTA”, ka zbuluar për ‘albeu.com’ se së shpejti do të sjellë një klip të ri, i cili premton shumë.
I pranishëm në shumë festivale, ai ka nxjerrë edhe videoklipe, ku përmendim atë në bashkëpunim me këngëtaren Elia Shena, me këngën “Game Over”. Përpos saj, përmëndim dhe një tjetër këngë në “Këngën Magjike” 2012 me Elia Shena: “Je ti”, një këngë e cila ka marrë shumë vlerësime pozitive.
Ndër këngët e tij më të fundit përmendim “1 në 1 milion”, të cilën ia ka dedikuar të fejuarës së tij, e cila është pjesë e klipit të tij.
Gjatë intervistës per portalin Albeu.com, këngëtari tha se është ende herët për një album, por surpriza e radhës mbetet një këngë së bashku me klip.