Zgjedhjet e 8 qershorit do të dëshmojnë se sa e rëndësishme është politika për ata që duan të pasurohen shpejt, apo edhe ata që përmes politikës mundohen t’i ikin drejtësisë
Premtuan lista me njerëz me duar të pastra, kurse në fund, partitë politike dorëzuan listat me kandidatët për deputetë sërish me figurat e kërkuara nga drejtësia, apo edhe persona nën ndjekje të organeve penale – shkruan gazeta Tribuna.
Në një shqyrtim të thjeshtë të listave të partive politike, dalin personalitetet që kanë probleme me drejtësinë.
Partia Demokratike e Kosovës ka disa kandidatë nën hetime për krime të luftës, ka një kandidat që aktakuzë dhe një tjetër të dënuar.
Lidhja Demokratike e Kosovës ka një kandidat që zyrtarisht është nën hetime.
Aleanca për Ardhmërinë e Kosovës ka kandiduar dy ish të dënuar.
Në të tri partitë, por edhe te Vetëvendosje, mendohet se ka kandidatë të tjerë që janë nën hetime, qoftë për krime lufte, qoftë për krime të natyrave të ndryshme, por hetimet nuk janë zyrtare.
Zgjedhjet e 8 qershorit do të dëshmojnë se sa e rëndësishme është politika për ata që duan të pasurohen shpejt, apo edhe ata që përmes politikës mundohen t’i ikin drejtësisë.
/Tribuna