Kryeprokurorë dhe prokurorë i kanë hyrë garës për Kryeprokurorin e Shtetit. Ky post me mandat shtatë vjeçar i ka shtyrë pothuajse të gjithë kryeprokurorët e Prokurorive Themelore që t’i hyjnë garës nëpërmjet konkursi publik.
Për të marrë postin e Kryeprokurorit të Shtetit kanë kandiduar tetë veta. Shumica nga ta janë kryeprokurorë të prokurorive themelore dhe prokurorë të shtetit – shkruan gazeta Tribuna.
Në garë kanë hyrë kryeprokurori i Prokurorisë së Prizrenit Sylë Hoxha, ai i Pejës Agron Galani, i Mitrovicës Jetish Maloku, Shqyri Syla, i Prishtinës, Alekdandër Lumezi, pastaj nga Prokuroria Speciale Ali Rexha dhe Laura Pula si dhe Jusuf Mejzini.
Ismet Kabashi është emëruar kryeprokuror në vitin 2010. Mandati fillestar i Kryeprokurorit të Shtetit është shtatë vjeçar, pa mundës riemërimi.