Anëtarët e Komisionit Qendror të Zgjedhjeve, kanë bërë me dije se stema e Republikës së Kosovës do të jetë edhe në fletëvotimet e Veriut të vendit.
Kjo për dallim nga zgjedhjet e fundit lokale të vitit të kaluar ku në fletëvotime nuk ka ekzistuar stema shtetërore.
Betim Gjoshi, Florian Dushi dhe Binak Vishaj kanë deklaruar për Epokën e Re se fletëvotimet do të jenë unike në të gjithë territorin e Kosovës dhe sipas tyre, nuk do të ketë kurrfarë kompromisi për këtë punë.