Rinia Demokratike e Kosovës Dega në Prizren, ka organizuar një aktivitet në sheshin “Shatërvan” në Prizren. Ata në kuadër të këtij aktiviteti kanë shpërndarë edhe qindra libreza të materialëve të librezave të kandidatëve të PDK-së për deputet të Parlamentit të Kosovës.
Aktivitetin e tyre nga afër e kanë përciellë edhe kandidatët për deputet të PDK-së, Nait Hasani, Zarije Jusufi, Naser Berisha, Behar Selimi, Luljeta Veselaj dhe Munir Basha.
Kryetari i RDK-së në Prizren Shkodran Kryeziu, tha se “Misioni i Ri”, ka për qëllim themelimin e fondit të punësimit në vlerë prej 1.5 miliard eurosh, të cilat do të përdorën për të financuar rritjen e sektorit privat të ekonomisë Kosovare, hapjen e 200 mijë vendeve të reja të punës në sektorët si bujqësia, industria, infrastruktura, teknologjia informative turizmi dhe shërbimet , duke dyfishuar prodhimin vendas si dhe krijimin e një perspektive të sigurt për të gjithë qytetarët dhe të rinjtë e mbarë Republikës së Kosovës./PrizrenPress.com/