Nisma për Kosovë ka marrë mbështetje të fuqishme në Hasit. Qindra banorë nga rajoni i Hasit, kanë marrë pjesë në tubimin elektoral që është mbjatur në fshatin Krajk.
Kandidati i Nismës për deputet të Parlamentit të Kosovës nga Hasi, Muhamet Shala, premtoi se nëse zgjedhet deputet do të jetë zëri i Hasit.
“Unë do të jem zëri juaj në Parlament të Kosovës dhe besimi juaj për ne do të jetë përgjegjësi në ndërtimin e shtetit ligjorë”, tha Shala.
Kandidati për deputet dhe koordinatori i Nismës në Prizren, Sejdulla Hoxha, ndërkaq, shpalosi pjesë nga programi para të pranishmëve dhe kërkoi që të mbështeten fuqishëm kandidatët në listën e Nismës. Ai po ashtu kërkoi që hasjanët të mbështesin kandidatin e tyre nga Hasi, Muhamet Shalën.
Në këtë takim ka marrë pjesë edhe kryetari i BD-së, Zafir Berisha.“Ka ardhur momenti që hasjanët të kontribojnë në ndryshimin që e pret Kosovën me 8 qershor, që me besimin e tyre për numrin 59 të kontribojnë në rikthimin e demokracisë në vend”./PrizrenPress.com/