15.5 C
Prizren
E premte, 14 Mars, 2025

“Besëlidhja” si preventivë

lideret e kater partiveBlloku i partive politike, LDK, AAK, Nisma si koalicion dhe Vetëvendosje në anën tjetër, por si mbështetëse e tyre kundër qeverisë Thaçi 3, kishin njohuri të hënën në takimin e mbajtur në selinë e AAK-së se Gjykata Kushtetuese me vendimin e saj do t’u njihte të drejtën për të propozuar mandatarin.

Mirëpo, ato dolën edhe me një deklaratë të përbashkët si zotim apo besëlidhje se nuk do ta tradhtojnë njëra-tjetrën dhe se nuk do t’i përgjigjen ftesës së mandatarit të PDK-së Hashim Thaçi për konsulta rreth krijimit të qeverisë.

Por, sa ishte e domosdoshme dhe e nevojshme që liderët e LDK-së, Vetëvendosjes, AAK-së dhe Nisma të lidhin “besën” për të injoruar çdo ftesë të PDK-së, flasin burime të gazetës Tribuna nga këto subjekte politike. Sipas tyre, kishte sinjale nga PDK-ja se në pamundësi që të formojë qeverinë ajo, do të dilte me oferta tejet joshëse për partitë tjera për t’iu bashkuar në koalicion.

“PDK dhe Thaçi kanë dërguar sinjale se mund të heqin dorë madje edhe nga posti i kryeministrit, duke ia ofruar atë LDK-së, kurse për vete do të mbanin postin e kryetarit të Kuvendit si dhe do të prisnin përmbylljen e mandatit të presidentes Jahjaga, për të marrë nën drejtim këtë post nga viti 2016”, kanë thënë këto burime. /Tribuna/

Më Shumë

Grapeland pëson humbjen e parë këtë sezon

KB Grapeland pas 12 fitoreve rresht është njoftuar me humbje në Ligën e Parë, duke u mposhtur nga KB KEK-u me rezultat 75-82. KEK-u ka triumfuar...

Egli Tako kthehet në Big Brother VIP

Në faqen zyrtare të Big Brother VIP është publikuar një video ku tregohet se Egli Tako do të jetë përsëri pjesë e këtij formati...

Lajmet e Fundit