Alketa Vejsiu, ashtu sikurse edhe shumë personazh të tjerë publik mundohen që të mos konsumojnë shumë ëmbëlsira, për të qënë gjithmonë në formë.
Ajo i dëshiron shumë ëmbëlsirat, por nga ana tjetër mundohet që të mos i konsumojë, pasi ato sjellin shumë pasoja. Femrat mundohen gjatë gjithë kohës që të jenë vigjilente ndaj shtimit në peshë, por Alketa ndonjëherë nuk i reziston dot shijes së tyre.
Ndaj ajo ka zgjedhur Instagramin, për ta bërë publike dëshirën e madhe që ka për të ngrënë ëmbëlsira.
“Të dashura ëmbëlsira…Kam një letër dashurie për ju: Ju dua shumë. Ju jeni tunduese, provokuese, gjithë shije, të bukura, të freskëta, si rrallëherë tundoni dhe egzaltoni gratë dhe burrat, keni një të keqe në të dyja rastet; kërcenoni tulet tona të cilave ngelëm duke i shpallur luftë.
Por pasi ju ha, nuk pendohem sepse një gjë është e vertetë: Ju e bëni jetën më të bukur. Ja kaq pak duhet! Një bignè me krem dhe gjithçka duket më e lëmuar.
Pastaj kam dhe një problem të madh me ata që nuk ju kanë qejf (perjashtim vetëm për kë vuan nga diabeti)…Ju jeni dhe shkaku pse njerëzit që nuk ju hanë janë të hidhur e pa lezet. Po i futem tani me kokë vitrinës”, përfundon ajo.