Aktori James Garner, ylli i serialit televiziv “Maverick”, i cili pati një karrierë të larmishme si në televizion edhe në filma, ndërroi jetë të shtunën në moshën 86-vjeçare.
James Garner u gjet i vdekur nga shkaqe natyrore në shtëpinë e tij në qytetin e Brentwoodit të shtunën në mbrëmje, tha oficeri i policisë së Los Anxhelesit Alonzo Iniquez.
Oficerët iu përgjigjën një telefonate rreth orës tetë të mbrëmjes dhe morën konfirmimin e identitetit të Garner nga anëtarë të familjes së tij.
Nuk u dha informacion menjëherë për shkakun e vdekjes së tij. Garner kishte pësuar një trombozë në maj të vitit 2008, vetëm disa javë pas ditëlindjes së tij të 80.
Ai u emërua për një çmim Oskar për filmin “Murphy’s Romance” në vitin 1985. Garner vazhdoi të luante role të ndryshme edhe në të 70-at e tij, duke përfshirë edhe rolin në filmin “The Notebook.”