Nori (Val Maloku) shet cigare në rrugë bashkë me të atin, Gëzimin (Astrit Kabashi), në Kosovën e viteve ‘90. Babai ia mësyn që të gjejë rrugë për të emigruar në Gjermani, e i biri bën çdo gjë për të mos u ndarë nga ai.
Të zënë në mes të dëshirës për të qenë së bashku dhe nevojës për t’u ballafaquar me realitetin e vështirë, marrëdhënia midis prindit e fëmijës mbërrin deri në pikën ku asgjë mes tyre nuk është më ashtu siç ka qenë.
Ky është rrëfimi, të cilin ka marrë përsipër ta shesë në tregun ndërkombëtar një kompani që ka selinë në Londër e në Berlin, ani pse filmi ende nuk është realizuar,shkruan KD.
“K5 Independent” është kompania që do të merret me shitjen ndërkombëtare për filmin artistik debutues të regjisorit kosovar Visar Morina, “Father” (Babai), që aktualisht është duke u xhiruar në North Rhine-Westphalia, në Gjermani. Lajmi është bërë publik në një artikull të publikuar në “screendaily.com”. “K5 Independent” është pjesë e “K5 Media Group” me seli në Munih dhe në Londër, që e ka fokusin të menaxhojë shitjen e filmave me buxhet të ulët dhe të mesëm