Aurela Gaçe ka treguar gjithmonë se në skenë është një tërmet i vërtetë. Performancat e saj, zëri potencial dhe veshjet ekstravagante e kanë bërë këtë këngëtare ndër më të preferuarat nga fansat të cilët e ndjekin kudo nëpër clubet e natës.
Aurela shpalos gjithmonë risi, dhe siç përmend shpesh ajo, pavarësisht moshës, në shpirt është si një vajzë e vogël e cila i gëzohet çdo detaji.
Këngëtarja është aktive çdo orë në rrjetet sociale ku tregon veprimtaritë e saj të përditshme me vajzën e saj të cilën nuk e fsheh nga mediat por përkundrazi nxjerr më mirë anën e mëmësisë.
Por ajo që të bën përshtypje janë albumet e fotove në skenat e klubeve dhe skenave të ndryshme. Si një luaneshë e vërtetë kërcen dhe këndon me brohoritje duke i kujtuar të gjithë publikut që e ndjekin se Aurela nuk është zbehur aspak, por është në kulmin e suksesit dhe kjo do jetë për një kohë të gjatë./Oranews/