Sipas raportit të fundit të organizatës “Global Peace”, Maqedonia është vendi më i pasigurt në Ballkan, raporton agjencia e lajmeve INA.
Në këtë studim, ku paraqitet gjendja e sigurisë në 162 vende të botës, Maqedonia radhitet në vendin e 87, pas Serbisë, Bosnjës, Kosovës, Shqipërisë dhe vendeve tjera të Ballkanit.
Njëri ndër paradokset është Serbia e cila renditet para të gjitha vendeve të Ballkanit Perëndimor e që renditet në vendin 52, para Malit të Zi i cili zë vendin e 55-të, Bosnja e Hercegovina 61. Shqipëria gjendet në një pozitë më poshtë se Kosova, në vendin 65, ndërsa më së keqi në rajon renditet Maqedonia, në pozitën 87.
Sipas këtij hulumtimi, në pesë vendet e para janë Islanda, Danimarka, Austria, Zelanda e Re dhe Zvicra.
Ndërsa në vendet e rajonit më së miri paraqitet Sllovenia e cila renditet në vendin 14, e më pas Kroacia në vendin 26.
Shtetet me renditjen më të keqën janë Afganistani në pozitën 161 dhe e fundit është Siria në vendin 162.