Prej vitit 2011 në Komunën e Rahovecit nuk është kryer asnjë aksion ndaj qenve endacakë. Megjithëse numri i tyre është rritur edhe në Nagavc ekziston strehimorja, komuna thotë se nuk ka buxhet për sterilizimin e tyre.
E qytetarët kanë kërkuar nga komuna masa për sigurinë e tyre nga qentë, të cilët ankohen se nuk mund të lëvizin lirshëm nëpër qytet prej tyre.
Por, drejtori i Shërbimeve Publike, Feim Fetoshi, thotë se për mungesë buxheti nuk kanë zgjidhje për qentë endacakë.
Menaxheri i strehimores së qenve në fshatin Nagac, Nezir Krasniqi, thotë se kapaciteti i strehimores është për 200 qen. Pas sterilizimit këta qenë lihen të lirë. ”Nuk mund i mbajmë më shumë, sepse kushton dhe s’kemi buxhet të mjaftueshëm. Kemi pasur një donator i cili na ka financuar, por tash ai nuk e bën një gjë të tillë”, ka thënë Krasniqi.
E për mungesë buxheti, komuna ka bërë të ditur se ka një plan kundrejt qenve endacakë. ”Plani ynë bazohet në dy linja kryesore: e para ka të bëjë me ndriçimin e rrugëve, kurse e dyta është marrja e masave për largimin e qenve nga rrugët e qytetit, duke respektuar ligjet dhe mënyrën humane të trajtimit të tyre”, ka thënë Marjan Shariq, nënkryetar i komiteteve, cili ka propozuar formimin e një shërbimi për kapjen e qenve dhe strehimin e tyre. Kurse Afrim Oruqi, anëtar i Komitetit, thotë se qytetarët duhet kontribuojnë më planin kundër qenve endacakë.
Zëv.komandanti i Stacionit të Policisë në Rahovec, toger Osman Ismajli, tha se PK-ja do ta mbështesë këtë projekt me të gjitha mundësitë e veta. Sipas tij, me ligj nuk mund të bëjmë eliminimin e qenve endacakë, mirëpo mund të bëjmë veprime urgjente që redukton numrin e qenve në rrugë./koha ditore/