9.7 C
Prizren
E enjte, 15 Maj, 2025

Inteligjenca gjermane ka spiunuar Shqipërinë

Inteligjenca gjermaneShërbimet sekrete gjermane po e spiunojnë prej vitesh Shqipërinë për të marrë informacione rreth “kriminalitetit të organizuar”, ka njoftuar të shtunën “Der Spiegel”, një javë pasi publikoi informacione të ngjashme për Turqinë.

Në edicionin që del në shitje të dielën, revista siguron se Shqipëria ishte në listën e “shteteve kyçe” të përgjimeve nga ana e agjencisë gjermane të inteligjencës (BND), madje edhe para anëtarësimit të Shqipërisë në NATO, më 2009.

Para një jave, “Der Spiegel” ka raportuar se shërbimet sekrete gjermane kishin spiunuar të paktën një bisedë telefonike të sekretarit amerikan të Shtetit, John Kerry dhe se po e përgjonin Turqinë, partnerin tjetër në kuadër të NATO-s, që nga viti 2009.

Për këtë arsye, autoritetet e Ankarasë kanë thirrur të hënën ambasadorin e Gjermanisë në Turqi për t’ia shprehur “shqetësimet” e tyre dhe për të denoncuar praktikat që “nuk do të tolerohen”.

“Der Spiegel” thotë se informacionet e saj i ka siguruar nga dokumentet që CIA-s amerikane i janë dhënë nga një spiun i BND-së. Kjo çështje, në korrik ka rezultuar me dëbimin e shefit të CIA-s në Gjermani dhe i ka dhënë një goditje serioze marrëdhënieve mes dy aleatëve.

Ndërsa, zbulimi i informacioneve, vitin e kaluar, se telefoni celular i kancelares Angela Merkel ishte përgjuar nga inteligjenca amerikane i kishte ftohur goxha shumë marrëdhëniet mes Berlinit e Washingtonit, tradicionalisht shumë të fuqishme.

Më Shumë

Reagimet në Prizren: Aderimet e VV-së, as nga LDK-ja, as nga Zhuri (VIDEO)

Vetëvendosje u mburr se ka marr  aktivistë të Lidhjes Demokratike në Zhur. Mirëpo, kjo po mohohet nga nëndega e kësaj partie, njofton Klan Kosova. Ata po...

Rasti tragjik në Prizren: E merr armën për ta blerë, 24-vjeçari e shkrep ndaj vetes dhe vdes në vend

Dy persona kanë raportuar në polici, se derisa janë takuar me 24-vjeçarin A.T., të cilit ia kanë dhënë një pistoletë për t’ia shitur, viktima...

Lajmet e Fundit