Presidentja e Kosovës, Atifete Jahjaga është pritur nga Garda e Nderit në Akademinë Ushtarake amerikane, me ç’rast ajo është përcjellë me 21 të shtëna nderi.
Jahjaga ka mbajtur një fjalim në konferencën mbi transformimin e konfliktit në Akademinë Ushtarake amerikane të West Pointit. Lajmin e ka bërë të ditur presidentja e vendit përmes një postimi në Facebook.
Lexojeni të plotë postimin e Jahjagës në Facebook:
Presidentja e Republikës së Kosovës, zonja Atifete Jahjaga mbajti një fjalim në konferencën mbi transformimin e konfliktit në Akademinë Ushtarake amerikane të West Pointit. Presidentes Jahjaga me këtë rast iu organizua një pritje e veçantë.
Ajo u prit nga Garda e Nderit dhe ceremonia u përcoll me 21 të shtëna nderi. Presidentja Jahjaga u takua me Gjeneral Lejtnant, Robert L. Caslen Jr. dhe u prit ngrohtësisht nga kadetët e akademisë West Point, me të cilët pati edhe një drekë të përbashkët.