Kërkimet për një tjetër varrezë masive ku dyshohet se ka mbetje mortore të viktimave shqiptare nga Kosova pritet që të nisin në Batajnicë brenda kësaj jave.
Burime të afërta me procesin i kanë thënë “Kohës Ditore” se tashmë Prokuroria për Krime Lufte e Serbisë ka lëshuar urdhëresën për nisjen e gërmimeve në këtë lokalitet.
“Urdhëresa është lëshuar ditë më parë. Ndërsa kërkimet në Batajnicë sipas planifikimit parashihet të nisin më 9 tetor, nëse ndërkohë nuk ndodh diçka e papritur”, ka thënë burimi i besueshëm i gazetës.
Javën e kaluar zëvendësprokurori serb për Krime Lufte, Dragoljub Stankoviq, nuk e pati bërë publik emrin e lokalitetit, por kishte pranuar se dyshohet se kjo varrezë masive ndodhet në një hapësirë, në të cilën edhe më parë janë gjetur trupa të viktimave nga Kosova të varrosur në grup…