Dega e Lidhjes Demokratike të Kosovës në Prizren, ka përcjellë shqetësimin e banorëve të fshatit Sërbicë e Poshtme, të cilët që katër ditë janë pa furnizim me ujin e pijes .
“Dega e LDK-së në ndërhyrje të shpejtë, pasi që gjendja në këtë fshat, për mungesë të ujit të pijshëm është tejet alarmante”, thuhet në komunikatën e LDK-së në Prizren.
“Për të shmangur epideminë e mundshme, deri sa nuk është bërë vonë, nga Hidroregjioni Jugor në përputhje me përgjegjësinë që kanë të ndërhyjnë sa ma parë” .
“Cila do që mund të jetë arsyeja, mungesa e ujit të pijshëm për katër ditë rresht nuk e arsyeton neglizhencën e kompetentëve”.
“Me këtë rast dhe për raste të ngjashme, ku bëhet fjalë për gjënë më esenciale për jetën e banorëve të komunës tonë, në mungesë të reagimit dhe veprimit nga Kuvendi Komunal i Prizrenit jemi të detyruar të reagojmë”,tregon zyrtari i Departamentit për Informim i Degës së LDK-së në Prizren,Abdullah V. Thaçi/PrizrenPress.com/