Anëtari i Kryesisë së Aleancës për Ardhmërinë e Kosovës, Avni Arifi ka hedhur poshtë zërat se “Blloku” mund të përçahet shumë shpejtë.
E gjitha sipas tij është propagandë e SHIK-ut. Madje sipas tij ditët në vazhdim pritet të ketë shpifje edhe më të mëdha nga ta në drejtim të “Bllokut”.
“Janë balona të SHIK-ut, presim që ditët e ardhshme të ketë këso balona edhe më shumë në drejtim të Bllokut. E tëra është propagandë dhe shpifje, janë spekulime të llojeve të ndryshme të çfarëdo lloj matematike, ”, ka thënë Arifi për “Zëri”
Sipas tij nuk ka aspak rrezik për përçarje të “Bllokut”. “Shumë mirë është duke shkuar”, ka përfunduar Arifi. /Zëri/