Koalicioni paszgjedhor, VLAN, (LDK,AAK, Nisma dhe VV) pritet që javën e ardhshme të “ndezë turbinat”. Përfaqësuesit e këtij koalicioni kanë paralajmëruar që nuk do rrinë duarkryq dhe do të bëjnë përpjekje për vazhdim të seancës.
Avni Arifi, këshilltari i Parë i kreut të AAK-së, Ramush Haradinaj në një prononcim të shkurtër për ‘Zërin’ e ka konfirmuar këtë gjë.
“Javën e ardhshme i dërgojmë nënshkrimet për seancën e pastaj shohim”, ka thënë shkurt ai.
Përpos VLAN-it, mësohet se edhe grupi i minoriteteve jo serbe do të përkrahin këtë iniciativë të nënshkrimeve.
Nga ana tjetër, kryesuesja e Kuvendit të Kosovës, Flora Brovina ka ripërsëritur që nuk do të ketë seancë pa pasur konsulta të përbashkëta të liderëve të partive. /Zëri/