Ministria e Arsimit i ka kthyer përgjigje Rektoratit të Universitetit të Prishtinës dhe i ka kërkuar të respektojë vendimin e Kryeministrit për pagesat e semestrave për tri nivelet e studimeve.
Kështu, të gjithë studentët e studimeve të nivelit të Doktoraturës do të paguajnë 500 euro semestrin, të nivelit master 150, kurse të nivelit themelor 25 euro.
Ministri i ka tërhequr vërejtjen Rektoratit të mos bëj shkelje të vendimit te Kryeministrit sic kishte ndodhur në disa raste kur ishte kërkuar që pagesat për semestër të bëhen në shpërputhje të vendimit mbi lirimin e studimeve.
Administrata e UP’së, megjithëse, në sistemin e digjitalizuar kishte vendosur tarifën prej 500 euro për semestër, në mënyrë kundërligjore, kanë kërkuar dy pagesa në vlerë prej 1000 euro për një semestër.
Ndëkohë, zyrtarët e Ministrisë së Arsimit kanë njoftuar se kanë pasur një takim sot me një grup doktorantësh të UP, ku iu është sqaruar se askush nuk duhet të paguajë më shumë se 500 euro për semestër./Express/
