Kryetari i Komunës së Malishevës, Ragip Begaj, ka pritur sot, komandantin e kontingjentit turk të KFOR-it në Kosovë dhe njëherit komandant i Detashmentit të Përbashkët Rajonal të Jugut (JRD-South), kolonelin Faruk Demircioglu. Takimi kishte karakter njohës, pas marrjes së komandës nga ana e kolonelit Demircio?lu.
Me këtë rast kryetari Begaj, e ka uruar kolonelin Demircio?lu, për detyrën, si dhe e ka falënderuar atë, për bashkëpunimin e mirë mes KFOR-it në përgjithësi dhe në veçanti kontingjentit turk, me Komunën e Malishevës, si dhe për bashkëpunimin e mirë që kanë me njësinë e LMT-së në Malishevë.
Nga ana tjetër, koloneli Demircio?lu, e ka falënderuar kryetarin Begaj, për pritjen, për bashkëpunimin e mirë të deritanishëm me KFOR-in, pastaj me njësinë e LMT-së në Malishevë, si dhe për pjesëmarrjen e vazhdueshme në aktivitetet zyrtare të KFOR-it turk në Kosovë..
Begaj dhe Demircioglu, e vlerësuan të qetë situatën e sigurisë së përgjithshme në Komunën e Malishevës, si dhe biseduan për zhvillimet e përgjithshme në Malishevë, për zhvillimin e ekonomik, problemet me të cilat ballafaqohet Malisheva dhe çështje tjera me interes të përbashkët.
Kryetari Begaj, e ka njoftuar kolonelin Demircio?lu, edhe me vizitën e delegacionit nga Komuna e Malishevës, në Komunën e Orhangazit në Bursa të Turqisë, për bashkëpunimin me atë komunë, si dhe e falënderoi për pritjen vëllazërore që i është bërë delegacionit nga Malisheva, në Turqi.
Begaj dhe Demircio?lu, u zotuan për vazhdimin e bashkëpunimit të ndërsjellë, mes institucionit të Komunës së Malishevës dhe KFOR-it./prizrenpress.com/