Policia e Kosovës, në raportin e saj për 24 orët e fundit, ka raportuar për dy raste nga komuna e Rahovecit, të dy rastet pothuajse janë të njëjta, dy mjete të dyshimta janë gjetur, një në fshatin Vranjak dhe një në fushë Maqina në Rahovec.
Më poshtë është raporti i plotë i Policisë së Kosovës:
Fshati Vranjak Rahovec 24.11.2014-09:15. Një mashkull K/Shqiptar ka njoftuar se derisa ishte duke lëvruar arën e tij ka hasur në një mjet të dyshimtë shpërthyes. Njësia policore ka siguruar vendin e ngjarjes, ndërsa njësia për deminim e FSK-së kanë asgjësuar mjetin pa incidente.
Fusha Maqina, Rahovec 24.11.2014-12:15. Një mashkull K/Shqiptar ka njoftuar se derisa ishte duke punuar në arën e tij ka hasur në një mjet të dyshuar shpërthyes. Njësia policore ka bërë sigurimin e vend-ngjarjes derisa njësiti i FSK-së ka konstatuar se mjeti i dyshuar është predhë e aktivizuar më parë dhe kishte mbetur vetëm gëzhoja e saj.