Kryetari i PDK-së, Hashim Thaçi, përmes një postimi në “Facebook” ka treguar për takimin disaorësh që ka pasur me liderin e LDK-së, Isa Mustafa.
Thaçi ka tregtuar se të dy janë pajtuar që sot në orën 10:00 ta nënshkruajnë marrëveshjen për bashkëqeverisje.
Gjithashtu, Thaçi ka treguar se dy partitë e mëdha, PDK dhe LDK janë pajtuar që ndërtimi i institucioneve qendrore të bëhet menjëherë pas nënshkrimit të marrëveshjes.
Ndërsa, kryesuesja e seancës, Flora Brovina, ka thirrur për në orën 12:00 vazhdimin e seancës konstituive, në të cilën pritet të zgjidhen kryetari dhe pesë nënkryetarët e Kuvendit, shkruan “Epoka e Re”. /Telegrafi/