Largimi i deputetes Alma Lama nga grupi parlamentar i Lëvizjes Vetëvendosje, rrezikon ta lë subjektin e Albin Kurtit pa nënkryetar të Kuvendit të Kosovës.
Pas rangimit si forca e tretë parlamentare, Aleanca për Ardhmërinë e Kosovës pritet të kërkojë zëvendësimin e Glauk Konjufcës me ndonjërin nga deputetët e saj. Këtë kërkesë, deputetët e Ramush Haradinajt e mbështesin në Kushtetutën e Kosovës.
Sekretari i AAK-së, deputeti Burim Ramadani, ka thënë të dielën për Tribunën se është e drejtë kushtetuese të kërkohet pozita e nënkryetarit të Kuvendit, ndonëse nuk ka dashur të flasë se kur AAK-ja do ta kërkojë këtë pozitë.