“Unë nuk jam aq e fuqishme që të luftoj me të gjithë ju ministra, zëvendës – ministra, kryetarë, hajna, deputetë, kriminelë, bossa, gjyqtarë, biznesmenë, që tash e 20 vite keni dashur të jem gruaja apo dashnorja juaj. Kurrë nuk do ta besoja që për këtë vrimë tek e cila nuk keni qasje, do të shkaktonit kaq shumë shkatërrime. Po ta dija, do ta lyeja në ar”– janë këto disa prej rreshtave të shkëputura nga statusi më i fundit në Facebook që ka publikuar këngëtarja Adelina Ismaili, ku shpreh hapur mllefin për politikanët dhe biznesmenët.
Këngëtarja në fjalë nuk ka mundur të heshtë më gjatë, duke shprehur revoltimin e saj ndaj të gjithë atyre të cilët duan me patjetër të prishin imazhin që ka ndërtuar me mund.
Ajo shprehet më tej se është e “pafuqishme” t’i luftojë ata të cilët në çdo formë kanë tentuar që të bëhet dashnorja e tyre, duke e shantazhuar pafund.
E “lodhur” prej tyre, Adelina bën thirrje se nëse ekziston ndonjë video apo inçizim diskreditues la ta publikojnë dhe t’i japin fund njëherë e mirë kësaj gënjeshtre të madhe, në të kundërt do jetë vetë ajo që do të thyjë heshtjen 20 – vjeçare. “Po s`folët, do të flas. “Ndaloni gënjeshtrat për mua ose do fillloj të flas të vërtetën tuaj” – përfundon Adelina Ismaili.