8.8 C
Prizren
E mërkurë, 5 Tetor, 2022

AKPM mbyll tri barnatore në Rahovec, gjen barna me banderola të Serbisë

Barnatore-logoTri barnatore në Rahovec janë mbyllur nga Agjensioni Kosovar për Produkte Medicinale, teksa në to janë gjetur barna me banderola të Republikës së Serbisë, si dhe të tjera pa banderola. Në të njëjtën kohë janë sekuestruar medikamente që kapin shumën prej rreth 14 mijë eurosh, njofton Policia e Kosovës.

Në fakt, Drejtoria për Hetimin e Krimeve Ekonomike dhe Korrupsionit, në këtë rast Njësiti për hetimin e krimeve ekonomike në Prizren, ka kohë që kishte nisur një operacion policor, të koduar me emrin “Aspirini”.

“Operacioni policor është zhvilluar pasi që ka ekzistuar dyshimi i bazuar se në disa barnatore në qytetin e Rahovecit janë duke u kryer veprat penale ‘tregti e ndaluar’, ‘keqpërdorim i pozitës zyrtare’, ‘kontrabandimi i mallrave’ dhe ‘shmangie nga tatimi’”, thuhet në komunikatën për shtyp të Policisë së Kosovës.

Hetuesit policorë të këtij njësiti, me urdhëresë të Gjykatës Themelore të Gjakovës, pas hetimeve disamujore, me 28.1.2014 ka filluar së zbatuari planin operativ “Aspirini” e që ka pasur të bëjë me kontrollimin e barnatoreve të cilat operojnë pa licenca, pa staf adekuat si dhe parregullsitë e shumta përcjellëse./PrizrenPress.com/

Më Shumë

Lajmet e Fundit