Bordi i Agjencisë për Akreditim i Kosovës (AAK) ka akredituar dhjetë programe dhe ka refuzuar katër programe tjera në arsimin e lartë publik dhe në atë privat. Këshilli Shtetëror i Cilësisë (KSHC) ka marrë vendimet për aplikimet për akreditim që janë dorëzuar me vonesë për t’iu nënshtruar procesit të vlerësimit të jashtëm.
Në listën e programeve të akredituara figuron edhe Departamenti i Matematikës në nivelin bachelor në Fakultetin e Shkencave Matematiko-Natyrore (FSHMN) dhe një program në master. Vendimet e akreditimit të programeve u janë dorëzuar të premten institucioneve të arsimit të lartë.
Pas dorëzimit të vendimeve pritet që Universiteti i Prishtinës të shpallë konkursin për pranimin e studentëve të rinj në programet e akredituara.
Vendimin për akreditimin e programit të matematikës e ka konfirmuar për “Zërin” kryetarja e KKSH-së në këtë agjenci, Ferdije Zhushi – Etemi.