19 C
Prizren
E mërkurë, 17 Shtator, 2025

Aktori i njohur amerikan blen 11 milionë euro shtëpi në Spanjë, do të jetë ‘komshi’ me Modricin dhe Ramosin

Aktori i njohur i Hollywoodit, Richard Gere është zhvendosur përfundimisht në Spanjë dhe kjo ka ngjallur kuriozitet rreth zgjedhjes së tij të vendbanimit në Madrid.

Gere dhe bashkëshortja e tij Alejandra Silva kanë vendosur tashmë që ta bëjnë Madridin shtëpinë e tyre, shkruan Marca.

Në intervistën e tij me Vanity Fair, aktori shprehu admirimin e tij për Spanjën, duke përmendur stilin e jetesës, ushqimin dhe ngrohtësinë e vendit.

Vendimi i tij për t’u transferuar në Spanjë u motivua nga dëshira për të qenë më afër familjes dhe traditave të gruas së tij.

“[Silva] ishte shumë bujare që jetoi gjashtë vjet në botën time kështu dua të bëjë të njëjtën gjë edhe unë”, tha aktori i njohur amerikan.

Prona 11 milionë-euroshe

Entuziazmi i Gere-s për Spanjën është i dukshëm në investimin e tij të fundit në një rezidencë luksoze në Madrid. Aktori ka blerë një pronë me vlerë 11 milionë euro në zonën ekskluzive të banimit La Moraleja, që ndodhet në komunën e Alcobendas.

Rezidenca luksoze është mbi 10,000 metra katrorë tokë, ka një shtëpi trekatëshe që është më shumë se 1,000 metra katrorë, një pishinë të nxehtë dhe një bodrum vere private.

Ai do të jetë ‘komshi’ me futbollistët e njohur si Sergio Ramos dhe Luka Modric. Rezidenca e tij është afër aktores Ana Obregon.

Më Shumë

Prizreni përfiton internet publik falas përmes projektit evropian WiFi4WB

Kryetari i  Prizrenit, Shaqir Totaj, ka bërë të ditur se Komuna e Prizrenit është përzgjedhur për të përfituar nga iniciativa WiFi4WB, që do të...

Arrestohet në kufi 65-vjeçari i dyshuar për vjedhjen e arkës së bamirësisë në xhaminë e Reçanit të Prizrenit

Një shtetas i Maqedonisë së Veriut, i identifikuar si Z.M., është arrestuar nga Policia e Kosovës në pikëkalimin kufitar të Hanit të Elezit, pasi...

Lajmet e Fundit