13.1 C
Prizren
E shtunë, 10 Maj, 2025

Aleati i Putin: Bombardoni Londrën të parën

Londra duhet të jetë i pari qytet që bombardohet, në rast të shpërthimit të një lufte tjetër botërore, ose të paktën, ky është mendimi i një prej aleatëve më të ngushtë të Vladimir Putinit, Andrey Gurulyov, i cili është edhe anëtar i Komitetit të Mbrojtjes në Rusi.

Gjatë një interviste për një televizion shtetëror rus, Gurulyov paralajmëroi se rreziku më i madh për Rusinë, vjen pikërisht nga vendet anglo-saksone dhe se furnizimet energjetike ndaj këtyre vendeve duhet të shkëputen tërësisht, në mënyrë që të shkatërrohen.

Si ish-komandant ushtarak, aleati i Putinit foli me një gjuhë shumë të ashpër, duke pretenduar se “çfarëdo sulmi të merret ndaj një vendi perëndimor, askujt nuk do t’i interesojë”.

Madje, ai ka shpjeguar me detaje edhe një rast operativ, mbi si do të funksiononte sulmi rus në rast të luftës së madhe.

Së pari, sipas Gurulyovit, do të shkatërrohen satelitët e vendeve të tjera.

Më pas, do të synohen sistemet anti-raketore të vendosura në Varshavë, Paris apo Berlin.

Sulmi fatal i parë ndërkohë, do të shkonte pikërisht ndaj Londrës.

“Është e qartë si kristali se e keqja dhe kërcënimi më i madh vjen nga vendet anglo-saksone”, ravijëzoi aleati i Putinit.

Ndërsa, pavarësisht se ai e shpjegoi sulmin, tha edhe se një pjesë të madhe të planit të vërtetë nuk po e shpërfaqte në opinionin publik, pasi janë çështje konfidenciale.

/Albanianpost.com

Më Shumë

Haxhiu për krimin në Prizren: Institucionet përgjegjëse janë duke trajtuar rastin me prioritet të lartë

Ministrja në dorëheqje e Drejtësisë, Albulena Haxhiu, ka reaguar për krimin që ndodhi në një familje turke që po qëndronte në Prizren tash e...

Pamje nga aksidenti mes dy kamionëve në Duhël të Suharekës

Një aksident trafiku ndodhi sot mes dy kamionëve në Duhël të Suharekës, rrugës për Carralevë. Lajmin për Klankosova.tv e ka konfirmuar zëdhënësi i policisë për...

Lajmet e Fundit