Enkelejd Alibeaj ka shpjeguar arsyet përse është tërhequr nga fushata e PD-së.
Ai thotë se e caktuan në zonën e Tepelenës dhe Memaliajt, ku është i panevojshëm.
Duke folur për “Panorama”, Alibeaj shprehet se shpërndarja e koordinatorëve për zgjedhjet e 21 qershorit, ka qenë e gabuar, pasi shumë nga drejtuesit e fushatës nuk kanë lidhje me zonat ku janë caktuar.
“Nuk kam çfarë t’i ofroj Tepelenës dhe Memaliajt pasi nuk kam mbështetje personale të elektoratit dhe nuk kam se si të maksimizoj votat.
Ndihem i panevojshëm, së paku gjatë këtij procesi.
Kam marrë mbështetje të madhe në votimin për Këshillin Kombëtar, por edhe për Sekretarin e Përgjithshëm të Partisë.
Nuk mendoj se këto vota duhen vetëm për të përkëdhelur sedrën.
Shpërndarja e të deleguarve nuk ka pasqyruar aspak kontributin e dhënë”, tha Alibeaj.