Kryetari i LDK-së në Prizren, Haxhi Avdyli, ka dëgjuar nga afër ankesat e banorëve të ‘Arbanës’. Ai tregon se banorët e kësaj lagjeje janë ankuar për shumë probleme.
“Gjatë takimit me qytetarët e Arbanës, dolën shumë ankesa si: furnizimi jo i mjaftueshëm me ujë, mungesë të hapësirave të gjelbërua, ringjallja e aktiviteteve sportive e kulturore etj”,tregon Avdyli.
“Po ashtu ndër diskutime tjera doli edhe ideja për krijimin e më shumë hapësira për biçikleta”.
“Me ardhjen e LDK-së në pushtet në Prizren, do shikohet mundësia që Prizreni ta ketë staza të veçanta për qarkullimin e biçikletave”
“Një prej mundësive është krijimi i një staze për biçikleta dhe të gjelbërimit në hapësirën e kalimit të hekurudhës nëpër Arbanë deri te stacioni”.
“Edhe pse kjo është pronë e Hekurudhave të Kosovës, do shikohet mundësia e gjetjes së zgjedhjes të kontestit pronësor apo shkëmbimit në mënyrë që Prizrenit t’i krijohej një stazë e veçantë dhe të sigurt me gjatësi disa kilometrash për përdorimin e biçikletave”
“Këtë model e hasim në shumë qytete Evropiane e Amerikane, e cila do e rriste ndjeshëm kualitetin e jetës në qytetin e Prizrenit” /PrizrenPress.com/