Lëvizja Vetëvendosje! në Prizren, organizon sot procesin e brendshëm zgjedhor për kandidatin për kryetar të Prizrenit. Zgjedhjet fillojnë në ora 10:00.
Burimet e “PrizrenPress-it”, ndërkaq bëjnë të ditur se kryetari i Lëvizjes Vetëvendosje! në Prizren, Arbër Rexhaj, do të jetë kandidati i vetëm që do t’i nënshtrohet votës së brendshme për kryetar të Komunës. ”Arbër Rexhaj do të jetë kandidati i vetëm i Vetëvendosjes për kryetar të Prizrenit”, tregon burimi i “PrizrenPress-it”.
Anëtarët e Lëvizjes Vetëvendosje! në Prizren, do të votojnë në zyrat e Qendrës, ndërsa pika të votimit do të ketë edhe në fshatra. /PrizrenPress.com/