Imazhet e pushkës me të cilën vrau veten lideri i Nirvana’s, Kurt Cobain, në 8 prill të vitit 1994, u bënë për herë të parë publike.
Policia e Seattle shfaqi fotot e papublikuara më parë në faqen e saj në internet.
Imazhet e realizuara në vitin 2015 tregojne një detektiv që mban në dorë pushkën. Policia nuk ka sqaruar përse i ka realizuar fotot një vit më parë dhe përse po i bën publike ato vetëm tani.
Mungesa më shumë se 20-vjeçare e imazheve të armës me të cilën u vra Cobain, vlerësohet si e dyshimtë, sipas disa komplotistëve që vazhdojnë të pretendojnë se rrethanat e vetëvrasjes së Cobain nuk janë zbardhur plotësisht.
Mëngjesin e 8 prillit të vitit 1994, trupi i liderit të Nirvana’s u gjet nga një elektricist në shtëpinë e tij, pranë liqenit të Washington’it.