Policia e Kosovës (PK) njofton se janë arrestuar tre persona në Prizren, pasi dyshohen për “Dhunim” dhe “Detyrim në prostitucion”.
Në raportin 24 orësh të Policisë, thuhet se viktimës i është ofruar tretman mjekësor, ndërsa të dyshuarit janë dërguar në mbajtje.
Rasti thuhet se ka ndodhur më 13 dhe 15 janar në Prizren.
“Janë arrestuar tre të dyshuar meshkuj kosovarë, nën dyshimin se kanë kryer veprat e cekura, ndaj viktimës femër kosovare. Viktimës i është ofruar tretman mjekësor ndërsa të dyshuarit me vendim të prokurorit janë dërguar në mbajtje”, thuhet në njoftim.