Dy vllëllezërit Jaha, të cilët dyshohen për grabitje, janë arrestuar nga policia në Prizren. Zëdhënësi i PK-së, Hazir Berisha ka konfirmuar të hënën arrestimin e tyre.“Me datën 20 prill, rreth orës 22:25 min, në rrugën e “Muhaxhirëve” në Prizren pati ndodhur një grabitje. Sipas informacioneve që kishte pranuar patrulla e policisë, bëhej me dije se dy të dyshuar i kishin grabitur me forcë një të riu një telefon “IPHON 5-S” dhe më pas ishin larguar në këmbë në drejtim të panjohur”.
“Pas paraqitjes ë rastit, hetues policorë të Stacionit Policor në Prizren, kanë arritur të sigurojnë informacione për personat e dyshuar dhe me datën 25 prill janë arrestuar dy vëllezër me mbiemër Jaha. Gjatë kontrollit, tek njëri nga të dyshuarit është gjetur telefoni i grabitur i cili më pas i është kthyer pronarit. Po ashtu, këta të dyshuar për mes “Facebook” ishin përpjekur t’i bëjnë shantazh viktimës. Prokurori i shtetit ka urdhëruar që të dyshuarit të ndalohen në masën e arrestit”.
Zëdhënësi Berisha po ashtu njoftoi se policia ka arrestuar edhe të dyshuarin e dytë të grabitjes së pompës “Petroll Company”
“Tani është arrestuar edhe i dyshuari i dytë i cili kishte qenë në kërkim. Po ashtu është gjetur edhe një pushkë automatike e llojit kallashnikov me numër serik 03769-83 e cila dyshohet se është përdorë në rast”.
“Në prani të avokatit mbrojtës është intervistuar i dyshuari ndërsa prokurori i shtetit ka nënshkruar vendimin për masën e arrestit”./PrizrenPress.com/