Policia e Kosovës ka arrestuar një person në Prizren dhe një tjetër në Suharekë.
Sipas policisë, arrestimi i parë është bërë në bazë të urdhëresës së lëshuar nga Gjykata Themelore në Prizren. I njëjti me vendim të gjykatës i është caktuar masa e arrestit shtëpiak deri në vendimin e ardhshëm.
Ndërsa, arrestimi i të dyshuarit në Suharekë është bërë pasi që gjatë një bastisje i është gjetur dhe konfiskuar një pistoletë M-57 dhe gjashtë fishekë si dhe një karikator i AK-47. I dyshuari pas intervistës me vendim të prokurorit dërgohet në mbajtje. /PrizrenPress.com/